E Fescht im Glunggi-Chäller?

E Gebuurtsdaagsfyyr oder numme e Apéro ...

... fir e Sportclub- ooder Jubiläumsfyyr, e Klassezämmekunft, Verains-GV ooder aifach esoo...

Dr Glunggi-Chäller ka jeedes Mitgliid aifach miete
Sygs numme fir e glaine Apéro oder fir e viergängigs Menu fir bis ca. 46 Persoone.
Mir hän in unserer Glygge alles schaffigi Lyt mit Bruefserfaarig, wo wisse wie s goot e guete Aalass uff d Bai zstelle.

S Personal wird gratis vo uns gstellt
Fiir das muesch doo als Gascht bi de Glunggi dängg gar nyt extra zaale.
Mir kimmere uns um alles – wenn du wotsch.
Vom Dischdegge, Koche, Serivce bis zum Ab- und Uffrume und Butze.
Kasch dy voll und ganz dyne Gescht widme und s Fescht denne au richtig gniesse!

Wotsch e Menuvorschlag – kai Brobleem
Mer sind in dr gligglige Laag, ass mer e baar Kochbroofi in dr Glygge hän :-)
Saisch uns aifach, was Du Dir voorstellsch – scho ab 15 Persoone mache mir e Menuvorschlag fir Dyni Fyyr.
Ooder suechsch dr doo ebbis us ab unserer Lischte. [422 KB]

Fir Terminaafrooge (mit 1 ooder 2 Wunschtermin + eppe wievyyl Persoone)
ooder Källerbesichtigung am allerbeschte em Källerchef Kurt Guthauser maile
kellerchef@vorstadtglunggi.ch ooder grad diräggt delifoniere